Represii suprać supołki invalidaŭ pačalisia paśla taho, jak jana brała ŭdzieł u vystupach suprać falsifikacyj i biezzakońnia.
Nahadajem, dyrektar «Ofisa pa pravach ludziej ź invalidnaściu» Siarhiej Drazdoŭski 2 lutaha 7 hadzin pravioŭ na dopycie ŭ DFR KDK. Razam ź im byŭ juryst Ofisa Aleh Hrableŭski.
Siarhiej śćviardžaje, što rabotniki DFR nazyvali jaho złačyncam i machlarom. Pretenzii palahali ŭ tym, što Ofis pa pravach ludziej ź invalidnaściu nakiravaŭ niekalki čałaviek da advakataŭ, jakija dapamahali hetym ludziam baranić svaje pravy na sudach ŭ spravach ab masavych biesparadkach.
Siarhiej Drazdoŭski pierasoŭvajecca na invalidnym vazku. Jon zaznačaje, što pravieści 7 hadzin u adnym pamiaškańni amal biez mahčymaści ruchacca było dla jaho katavańniem.
Aleh Hrableŭski.
Prablemy ŭ hetaj inicyjatyvy invalidaŭ pačalisia paśla taho, jak jaje ŭdzielniki stali ładzić štotydniovyja maršy pratestu suprać falsifikacyj i parušeńniaŭ zakonnaści ŭ krainie.
