Staršynia praŭleńnia Biełahraprambanka Anatol Łysiuk znachodzicca na balničnym. Ale, pa słovach supracoŭnikaŭ banka, jak minimum dvaich jaho namieśnikaŭ zatrymali. Havorka idzie pra Uładzimira Padkavyrava i Natallu Šaŭcovu.
Uładzimir Padkavyraŭ uznačaliŭ Biełahraprambank u pačatku 2011 hoda, paśla taho jak papiaredni staršynia praŭleńnia banka Siarhiej Rumas byŭ pryznačany na pasadu vice-premjera.
U 2014 hodzie staršynioj praŭleńnia staŭ Łysiuk. A Padkavyraŭ atrymaŭ pasadu namieśnika staršyni.
Uładzimir Padkavyraŭ
Natalla Šaŭcova pracuje ŭ Biełahraprambanku z 1994 hoda. Pačynała staršym ekanamistam, paźniej vyrasła da načalnika ŭpraŭleńnia, kiravała bresckim filijałam banka. Niekatory čas była pieršym namieśnikam staršyni praŭleńnia, z 2016 hoda — namieśnik staršyni.
Natalla Šaŭcova
Ale važna: infarmacyja pra zatrymańnie top-mieniedžaraŭ banka pakul nie paćvierdžanaja aficyjna nivodnym ź siłavych viedamstvaŭ.
Na jaki termin jany zatrymanyja, pa jakoj spravie i ŭ jakim statusie znachodziacca, taksama pakul nieviadoma.
«Naša Niva» niekalki razoŭ pazvaniła ŭ pres-słužbu DFR pa aficyjny kamientar, ale tam nichto nie padniaŭ słuchaŭku.
