U dačynieńni da hramadzianina Litvy, jaki padazrajecca ŭ kradziažy 154 traktaroŭ MTZ na ahulnuju sumu kala 2,3 młn jeŭra, raspačali kryminalnuju spravu, paviedamili ŭ Hienprakuratury.
Padazravany akazaŭsia kiraŭnikom adnaho z zamiežnych handlovych damoŭ AAT «MTZ». U žniŭni 2018 hoda jon zaklučyŭ damovu ab pastaŭcy ŭ jaho handlovy dom roznych madelaŭ traktaroŭ staličnaha zavoda.
Zatym zamiest dastaŭki i vyhruzki techniki jon naŭmysna pieranakiravaŭ jaje na skład padkantrolnaj litoŭskaj firmy, a paśla pierapradaŭ. Darečy, padazravany za techniku z MTZ nie raźličyŭsia.
Hienieralnaja prakuratura Biełarusi ŭ dačynieńni da žychara Litvy i inšych asob raspačała kryminalnuju spravu ab kradziažy šlacham złoŭžyvańnia słužbovymi paŭnamoctvami ŭ asabliva bujnym pamiery pa č. 4 art. 210 KK.