Pra heta paviedamlaje pres-słužba SK. Kryminalnaja sprava była zaviedziena 24 śniežnia pa materyjałach HUBAZiK.
Pavodle śledstva, kiraŭniki siaredniaha źviana MZKC, Minskaha elektratechničnaha zavoda imia Kazłova, Kavalskaha zavoda ciažkich štampovak, AAT «BiełAZ — kirujučaja kampanija chołdynhu BiełAZ-chołdynh» i MTZ 22-23 śniežnia atrymali ad pradstaŭnika rasijskaha pradpryjemstva ŭ jakaści chabaru hrošy pamieram ad 50 da 250 tysiač rasijskich rubloŭ (prykładna ad 1700 da 8500 biełaruskich) za spryjalnaje vyrašeńnie pytańniaŭ, jakija ŭvachodziać u ich kampietencyju.
«Pavodle papiaredniaj infarmacyi, słužbovyja asoby atrymali ŭznaharodu za dziejańni, źviazanyja z zakupkami biełaruskimi pradpryjemstvami pradukcyi, u tym liku jakaja maje techničnyja adchileńni», — havorycca ŭ paviedamleńni viedamstva.
Pa kryminalnaj spravie byli zatrymanyja siem supracoŭnikaŭ nazvanych pradpryjemstvaŭ. Usie jany pryznali fakt atrymańnia hrošaj i supracoŭničajuć sa śledstvam. U ciapierašni čas da piaci ź ich prymieniena miera strymańnia ŭ vyhladzie zaklučeńnia pad vartu, da dvaich — zakład.