hrodna.life
Dva pradstaŭniki Departamienta finansavych rasśledavańniaŭ 12 studzienia kala 11.30 pryjšli ŭ Hrodzienski dziciačy chośpis, raźmieščany pry pravasłaŭnym chramie na vulicy Damiejki. Supracoŭniki DFR patłumačyli, što majuć namier zabrać aparat štučnaj vientylacyi lohkich. Vyniaćcie techniki adbyvajecca ŭ miežach kryminalnaj spravy, zaviedzienaj na kiraŭnicu dziciačaha chośpisa Volhu Vialičku, paviedamlaje hrodna.life.
U hety čas u pamiaškańni dziciačaha chośpisa na Damiejki znachodzilisia troje supracoŭnikaŭ ustanovy i čaćviora dziaciej, jakija prachodzili abilitacyjnyja pracedury, a taksama śviatar chrama, ajciec Iaan.
Słužbovyja pamiaškańni, dzie, pa mierkavańni DFR, zachoŭvajecca technika, ciapier zamknionyja. Klučoŭ pradstaŭniki chośpisa nie majuć. Pradstaŭniki DFR papiaredzili, što pry niemahčymaści adčynić dźviery klučom, buduć vyklikać MNS, kab złamać zamok.
Štatnaha psichołaha dziciačaha chośpisa, Alenu Ščotkinu, papiaredzili, što vykličuć u milicyju paviestkaj dla dačy tłumačeńniaŭ.
Kala 12:00 supracoŭniki DFR pakinuli pamiaškańnie.
