Kala 10 hadzin praciahvaŭsia pieratrus u homielskim centry apazycyi. Paśla hetaha pravaabaroncu Leanida Sudalenku zabrali va Ŭpraŭleńnie pa baraćbie z arhanizavanaj złačynnaściu, piša «Svaboda».
5 studzienia supracoŭniki Ŭpraŭleńnia pa baraćbie z arhanizavanaj złačynnaściu i karupcyjaj pryjšli ź pieratrusam u Homielski hramadzka-palityčny centar «Paleskaja, 52».
Pry padtrymcy AMAP jany praktyčna 10 hadzin pravodzili pieratrus. Takija dziejańni milicyjanty patłumačyli tym, što ŭ ofisie nibyta mohuć być «pradmiety i rečy», datyčnyja da kryminalnaj spravy Ŭładzimiera Niapomniaščych.
Pa vyniku kala 18.40 stała viadoma, što na Paleskaj, 52 zabrali dakumenty, jakija tyčacca dziejnaści pravaabaroncy Leanida Sudalenki (pastanovy sudoŭ, abskardžvańni), a taksama techniku i bieł-čyrvona-biełyja ściahi. Ciapier pravaabaroncu pavieźli «na hutarku» va UBAZIK. Sudalenka ŭ peryjad vybaraŭ i paśla ich šmat dapamahaŭ udzielnikam pratestaŭ — u abskardžvańni sudovych pastanoŭ i h. d.
Pavodle pierapisu, paśla pieratrusu zabrali 304 pradmiety. Źniali i zabrali navat bieł-čyrvona-biełyja ściahi sa ścien.
Paśla pieratrusu ŭ kvatery pravaabaroncu Leanida Sudalenku adpuścili.
U jaho zabrali dźvie bankaŭskija kartki i netbuk.
