Sienat Kanhresa ZŠA adnahałosna zaćvierdziŭ kandydaturu amierykanskaha dypłamata Džuli Fišer na pasadu novaha ambasadara ŭ Minsku, paviedamlaje RBK.
Takim čynam, Fišer stanie pieršym amierykanskim dypłamatam u Biełarusi ad 2008 hoda. Jaje papiarednica Karen Ściuart była adklikanaja ź Biełarusi ŭ sakaviku 2008 hoda ŭ adkaz na anałahičnaje dziejańnie Minska, jaki adklikaŭ z Vašynhtona svajho pasła Michaiła Chvastova. Pryčynaj stała ŭviadzieńnie sankcyj ZŠA suprać biełaruskich kampanij.
Prezident ZŠA Donald Tramp paviedamiŭ ab płanach vyłučyć Fišer na pasadu pasła ZŠA ŭ Biełarusi ŭ krasaviku. U mai jon unios jaje kandydaturu na zaćviardžeńnie Kanhresa.
Raniej Fišer zajmała pasadu namieśnika pastajannaha pradstaŭnika ZŠA pry NATA, časovaha pavieranaha ŭ spravach ZŠA ŭ Rasii, a taksama pracavała ŭ amierykanskich pasolstvach u Hruzii i Ukrainie.
U lipieni Alaksandr Łukašenka pryznačyŭ pasłom Biełarusi ŭ ZŠA namieśnika ministra zamiežnych spraŭ Aleha Kraŭčanku.