Prapanujem vašaj uvazie niekalki akademičnych i papularnych vydańniaŭ pa historyi Biełarusi, jakija źjavilisia ŭ kniharniach i ŭ niezaležnych raspaŭsiudnikaŭ za apošni čas.
Kniahinia Hanna Kaciaryna z Sanhuškaŭ Radzivił
Hałubovič V. U., Rybčonak S. A., Šałanda A. I.; navuk. red. A. I. Šałanda.
Kalektyŭnaja manahrafija pryśviečana žyćciu i dziejnaści kniahini Hanny Kaciaryny z Sanhuškaŭ, žonki kanclera VKŁ kniazia Karala Stanisłava Radziviła.
Rana aŭdavieŭšy, jana nie vyjšła druhi raz zamuž, a pryśviaciła siabie vychavańniu dziaciej, kiravańniu šmatlikimi majontkami rodu Radziviłaŭ, a taksama palityčnym intryham u Rečy Paspalitaj.
Peŭny čas Hanna z Sanhuškaŭ Radzivił pravodziła ŭ Miry, što spryjała nie tolki adradžeńniu tutejšaha zamka, ale i spryčyniłasia da haspadarčaha roskvitu miastečka i navakolla. Mienavita «mirskamu» pieryjadu jaje bijahrafii pryśviečana dadzienaje daśledavańnie.
Razhladajucca takija aśpiekty, jak siamiejnaje vychavańnie, stasunki ŭ šlubie, vychavańnie dziaciej, haspadarčaja dziejnaść i adnosiny da paddanych, paŭsiadzionnaje žyćcio ŭ Miry i Mirskim zamku, psichałahičnyja rysy hetaj nieardynarnaj žančyny, a taksama ŭ knizie analizujecca viadomy na siońnia ikanahrafičny materyjał, źviazany z Hannaj z Sanhuškaŭ Radzivił.
Anatol Taras. Ad Rahvałoda da Unii: Narysy z historyi siaredniaviečnaj Biełarusi
Heta kniha ŭjaŭlaje saboju cykł vielmi karotkich narysaŭ, jaki achoplivaje kala siami stahodździaŭ historyi Biełarusi fieadalnaj epochi. Svaje narysy aŭtar padzialiŭ na niekalki častak, adpaviadajučych umoŭnym histaryčnym etapam: časy plamionaŭ, Połackaha kniastva, Vialikaha kniastva Litoŭskaha, Ruskaha i Žamojckaha. Asobna aŭtar razhledzieŭ pytańni relihijnaha žyćcia našych prodkaŭ i niekatoryja asablivaści tahačasnaha hramadstva.
Kniha dobra spryjaje pieršamu znajomstvu šyrokaha koła čytačoŭ z historyjaj Ajčyny ŭ IX—XVI stst. Dla dalejšaha pahłybieńnia viedaŭ prykładzieny śpis navukova-papularnych prac roznych aŭtaraŭ.
Anatolij Taras. Biełorusskije zamki Vielikoho Kniažiestva Litovskoho
Karotki daviednik dla turystaŭ skłali narysy ab prykładna 140 fartyfikacyjnych zbudavańniach XIV-XVIII stst., to-bok časoŭ niezaležnaha Vialikaha Kniastva Litoŭskaha i Rečy Paspalitaj. U knizie źmieščany vyjavy zamkaŭ, ich rekanstrukcyj, fatahrafii i płany zamčyščaŭ.
