Radyjo Svaboda
Sudździa Siarhiej Karmanovič (sud Centralnaha rajona) na padstavie milicejskaha pratakoła aštrafavaŭ 73-hadovuju Jevu Bykoŭskuju na 81 rubiel (try bazavyja). AMAP zatrymaŭ jaje 25 kastryčnika ŭ centry horada, piša Svaboda.
Jeva Ramanaŭna pracavała da piensii nastaŭnicaj. Akcyi pratestu 25 kastryčnika ŭ Homieli faktyčna nie było — milicyja nie dała sabracca ludziam.
Na vačach Jevy Ramanaŭny AMAP schapiŭ mužčynu. Byłaja nastaŭnica zrabiła zaŭvahu — schapili i jaje. Piensijanierka raspaviadała, što amapaviec u aŭtobusie skazaŭ svaim kaleham: «U jaje baćka — palicaj!»
«Moj baćka prajšoŭ usiu vajnu i dajšoŭ da Bierlina! Hety staršy amapaviec staŭ u mianie nad hałavoj i šalona kryčaŭ, pavodziŭ siabie, jak źvier, kałaciŭ rukami ab ścienku, kryčaŭ: «S***, kolki ty budzieš chadzić?! Što tabie treba?!» — raspaviadała tady Jeva Ramanaŭna.
