Piłotnaja zona kantrolu chutkasnaha režymu arhanizavana na ŭčastku vuł. Alšeŭskaha, što ŭ Masiukoŭščynie, pišuć Minsk-naviny.
Minsk-naviny
Pamiž HUUS Minharvykankama i SZAT «Biaśpiečnyja darohi Biełarusi» zaklučany dahavor ab supracoŭnictvie, raspavioŭ namieśnik načalnika adździeła techničnych srodkaŭ i sistem DAI HUUS Minharvykankama Dzianis Livanovič.
U ramkach prajekta na vulicy Alšeŭskaha — ad 6-ha Puciepravodnaha zav. da doma № 61 — arhanizavana piłotnaja zona. Tut prachodziać doślednuju ekspłuatacyju novyja techničnyja srodki (technałohii i abstalavańnie), pryznačanyja dla ažyćciaŭleńnia kantrolu ŭ halinie darožnaha ruchu. Havorka idzie ab fiksacyi parušeńniaŭ PDR: chutkasnych režymaŭ i prajezdu transpartnych srodkaŭ na zabaranialny sihnał śviatłafora.
Pryčym fiksujecca siaredniaja chutkaść ruchu na paznačanym učastku vulična-darožnaj sietki.
Pa słovach śpiecyjalista, miesca dla ekśpierymientu abrana nie vypadkova. Daroha tam padzielena na dźvie pałasy, šyrynia kožnaj — 5,25 m. Chutkaść ruchu transpartnych srodkaŭ na kantralavanym učastku daŭžynioj 300 m abmiežavanaja 40 km/h u abodvuch napramkach z 7:00 da 20:00.
Minsk-naviny
Pobač z darohaj raźmieščany siarednija škoły № 81 i 128, haradskaja paliklinika №12.
Ab mahčymym źjaŭleńni na prajeznaj častcy junych udzielnikaŭ ruchu kiroŭcaŭ papiaredžvajuć infarmacyjny ščyt i žoŭtaja raźmietka na asfalcie z nadpisami «Škoła». Raniej supracoŭniki DAI fiksavali niaredka na hetym učastku pieravyšeńnie chutkaści.
Zaraz za parušalnikami praviłaŭ sočać kamiery videanazirańnia. Pakul jany pracujuć u testavym režymie.
