PFK CSKA
Hałoŭny trenier maskoŭskaha CSKA Viktar Hančarenka ŭ intervju Nobielu Arustamianu raskrytykavaŭ dziejańni biełaruskaha AMAPa suprać pratestoŭcaŭ, piša Tut.by.
— Jak i luby narmalny čałaviek, ja kateharyčna suprać, kali amapaŭcy bjuć prosty biełaruskaj narod. Dla ŭsich ludziej zrazumieła, što heta niapravilna. U mianie jość siarod amapaŭcaŭ znajomyja — heta zdarovyja mužyki. I kali jany bjuć narod, ja hetuju situacyju nie razumieju i vykazvaju im svajo abureńnie pry sustrečy. Tym bolš, my viedajem, što naš narod łahodny i nie złosny, — skazaŭ Hančarenka.
Pry hetym Viktar Hančarenka zajaviŭ, što nie padtrymlivaje rašeńnie forvarda CSKA Illi Škuryna admovicca vystupać za zbornuju Biełarusi.
Adznačym, što jašče 15 žniŭnia ŭ intervju «Presbołu» Hančarenka vystupiŭ suprać hvałtu i za sumlenny padlik hałasoŭ.