Razam z Bukmiekierskaj kantoraj Leon my sačyli za vyšejšaj lihaj.
Užo ŭ subotu my zmožam daviedacca imia čempijona Biełarusi. Heta budzie albo ŭ 16-y raz BATE, albo ŭ druhi — «Šachcior» (pieršy raz byŭ u dalokim 2005-m). Mahčyma, što čempijanat padoŭžycca jašče na adzin matč, «załaty», dla heta barysaŭcam treba prajhrać, a salihorcam zhulać uničyju ŭ apošnim tury. Ale pra raskłady krychu nižej.
U 29 tury ŭsie pretendenty na miedali svaje matčy vyjhrali, tamu intryha arhanična pieraniesłasia na apošni tur. Pieramoha «Niomana» nad «Słuckam» adpraviła słuččakoŭ u pierachodnyja matčy, dzie tyja buduć zmahacca za vyšejšuju lihu z «Krumkačami».
Voś vyniki matčaŭ 29 tura:
- «Smalavičy» — «Słavija» 0:3
- BATE — «Biełšyna» 5:0
- «Haradzieja» — «Dynama-Brest» 1:4
- «Nioman» — «Słuck» 1:0
- «Minsk» — «Viciebsk» 2:2
- «Ruch» — «Šachcior» 1:2
- «Enierhietyk-BDU» — «Dynama-Minsk» 2:3
- «Tarpieda-BiełAZ» — «Isłač» — 2:0
Tablica pierad vyrašalnymi hulniami vyhladaje voś tak:
Jakija matčy nas čakajuć u apošnim tury? Jakija ź ich mohuć na niešta paŭpłyvać? Usie matčy pačnucca 28 listapada a 14:00.
«Słavija» — «Enierhietyk-BDU»
- Mazyr, stadyjon «Junactva»
Pačniom z matčaŭ, jakija asablivaha turnirnaha značeńnia nie majuć. Na viaršyni druhoj pałovy turnirnaj tablicy davoli ščylna — čatyry kamandy z 9 pa 12 radok raździalajuć usiaho dva turnirnyja bały.
U Mazyry vyrašycca, chto budzie vyšej. Pieramoha haspadaroŭ dazvolić im abahnać «studentaŭ» i padniacca ŭ pieršuju dziasiatku.
Prahnoz: «Słavija» nie sastupić.
«Słuck» — «Smalavičy»
- Słuck, stadyjon «Haradski»
UPD. Matč admienieny fiederacyjaj futboła. Stykavyja matčy z «Krumkačami» pieraniesienyja na 15 i 19 śniežnia.
Zdajecca, abiedźvie kamandy byli b nie suprać, kab hety matč nie adbyŭsia. Słuččakoŭ padkasiŭ karanavirus: ažno 13 čałaviek chvarejuć. Pakul niajasna, jak hulać sa «Smalavičami» i na nastupnym tydni z «Krumkačami».
Sa «Smalavičami», naadvarot, usio daŭno jasna. Jość šaniec skarystacca kadravymi prablemami supiernika, ale ci treba jano kamandzie?
Prahnoz: totał, mienšy za 2.5.
«Isłač» — «Haradzieja»
- Minsk, stadyjon «Traktar»
Minčuki zastanucca ŭ subotu biez futboła. Ni na «kłasika», ni na vidovišča dla bolš vytančanych estetaŭ, jakoje projdzie na «Traktary», zaŭziataraŭ nie puściać.
«Isłač» zmazała kancoŭku i nie zdoleła pazmahacca za miedali. Niehatyŭny scenaryj moža adkinuć «vaŭkoŭ» i na vośmy radok. Ale dla hetaha treba jak minimum prajhrać «cukrovym», jakija płan-minimum pa zachavańni prapiski ŭ vyšejšaj lizie vykanali.
Prahnoz: totał, mienšy za 2.5.
«Biełšyna» — «Ruch»
- Babrujsk, stadyjon «Spartak»
U piaci matčach paśla karancinu «Biełšyna» nabrała ŭsiaho adzin bał i prapuściła 19 miačoŭ. Prykry finał dla kamandy, jakaja amal vykaraskałasia z zony vyletu.
«Ruch» pravioŭ udały siezon. Maładaja kamanda Siadniova pakazvała jaskravuju hulniu i zasłužyła miesca ŭ pieršaj pałovie tablicy. Pieramoha ŭ Babrujsku pavinna stać pryhožaj kropkaj u siezonie.
Prahnoz: pieramoha «Ruchu».
«Dynama-Brest» — «Nioman»
- DASK «Brescki»
- Kaeficyjenty: «Dynama» (pieramoha) — 1.99; ničyja — 3.90; «Nioman» (pieramoha) — 3.85
Zachodniaje derbi i, imavierna, lebiadzinaja pieśnia dla prajekta «Dynama-Brest». Raspaŭsiudžvajucca čutki, što ŭ nastupnym siezonie Alaksandr Zajcaŭ pieraklučycca na «Ruch», a z «Dynama» syduć usie lidary: chto u druhuju bresckuju kamandu, chto ŭ inšyja.
Fota: FK «Dynama-Brest».
Dla «Niomana» raskład elemientarny: pieramahaješ — zavajoŭvaješ miedali. Prajhraješ — možaš akazacca navat šostym. Dla kamandy Kavaleviča heta matč hoda, a dla niekatorych hulcoŭ, mahčyma, i matč usioj karjery.
Prahnoz: «Dynama» nie prajhraje. «Nioman» nie stanie trecim.
«Viciebsk» — «Tarpieda-BiełAZ»
- CSK FK «Viciebsk»
Žodzincy, na naš pohlad, hałoŭnyja pretendenty na treci radok. Jany jeduć u hości da niematyvavanaha supiernika, jaki vyjhraŭ usiaho adnojčy za apošnija dziesiać turaŭ.
Akramia pieramohi, «Tarpieda» patrebna, kab u Breście astupiŭsia «Nioman», tamu zaŭziatary žodzincaŭ buduć sačyć adrazu za dvuma matčami.
Prahnoz: «Tarpieda» pieramoža i zavajuje «bronzu».
«Šachcior» — «Minsk»
- Salihorsk, stadyjon «Budaŭnik»
- Kaeficyjenty: «Šachcior» (pieramoha) — 1.31; ničyja — 6.30; «Minsk» (pieramoha) — 10.00
Zaŭziatary «harniakoŭ» taksama buduć pilna sačyć nie tolki za hulnioj svajoj kamandy. U Minsku paralelna buduć hulać BATE i minskaje «Dynama», i ŭsie salihorcy buduć za «dynamaŭcaŭ».
Fota: FK «Šachcior».
«Harniaki» ŭ siezonie miescami vyhladali lepš za BATE i majuć lepšuju abaronu, ale niedarečnyja straty bałaŭ u pačatku siezonu i paśla źmieny treniera mohuć kaštavać kamandzie čempijonstva.
Prahnoz: «Šachcior», imavierna, pieramoža i vykanaje zadaču-minimum na hulniu. Ale hetaha nie chopić dla čempijonstva.
«Dynama-Minsk» — BATE
- Minsk, stadyjon «Dynama»
- Kaeficyjenty: «Dynama» (pieramoha) — 4.25; ničyja — 3.85; BATE (pieramoha) — 1.90
Jak my pisali vyšej, hety matč projdzie biez hledačoŭ. Naŭrad ci było vielmi šmat achvotnych pryjści na hulniu, niahledziačy na afišu i važnaść hulni, ale i tych fiederacyja razam z vyšejšymi orhanami pakinuli bieź vidovišča, u čarhovy raz pakazaŭšy svajo staŭleńnie.
Što tyčycca futboła: Iharu Stasieviču admianili dyskvalifikacyju, i jon zmoža dapamahčy partnioram u vyrašalnym matčy.
Fota: FK BATE.
«Dynama» vyjhrała šeść matčaŭ zapar i ŭ teoryi moža navat uskočyć na treci radok. Dla hetaha pieramahčy ŭ BATE i čakać ničyjoj u Breście, a taksama straty bałaŭ žodzinskaha «Tarpieda» (pry roŭnaści bałaŭ z «Niomanam» i «Tarpieda» ŭ minčukoŭ pieravaha za košt asabistych sustreč). Možacie sami padumać, nakolki realny taki raskład.
Tamu subotni matč vyrašalny i pryncypovy dla abiedźviuch kamand. Plus u pieršym kruzie kamanda Kučuka pierajhrała BATE, tamu dla Barysava budzie nadzvyčajna važna viarnuć tytuł, uziaŭšy revanš.
Prahnoz: BATE pieramoža i zavajuje čempijonstva.
Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!