Rada Zadzinočańnia biełaruskich studentaŭ apublikavała adkaz Juryja Vaskrasienskamu. Były palitviazień zajaviŭ, što pačynaje supracu pa svaich «kruhłych stałach» z kimści z aktyvistaŭ Zadzinočańnia biełaruskich studentaŭ.
«Rada ZBS nie viadzie nijakich pieramovaŭ z Vaskriesienskim i jahonym Kruhłym stałom, taksama nie viadoma pra nivodny vypadak kamunikacyi aktyvistaŭ i aktyvistak ZBS z hetaj inicyjatyvaj.
Adzinymi, chto mahli by heta rabić, źjaŭlajucca tyja, chto znachodziacca ŭ SIZA. ZBS z razumieńniem stavicca da takoha ich kroku i nie ličyć ich dziejańni zdradaj. Takoje rašeńnie było, chutčej za ŭsio, pryniata ŭ źniavoleńni i pad katavańniami ci pahrozaj im. Dla nas zastaniecca važniejšym ich vyzvaleńnie i zdaroŭje, jak psichičnaje, tak i fizičnaje», — havorycca ŭ zajavie studenckaj arhanizacyi, dasłanaj u «Našu Nivu».
Zadzinočańnie biełaruskich studentaŭ padkreślivaje, što lubyja pieramovy mahčymyja tolki ŭ vyniku spynieńnia hvałtu, vyzvaleńnia palitviaźniaŭ i sychodu Łukašenki.
