BiełTA
Pra heta jon zajaviŭ siońnia, prymajučy davierčyja hramaty pasłoŭ, piša BiełTA.
«Karystajučysia mahčymaściu, chaču padkreślić adnu akaličnaść. Apošnim časam zachodnija dziaržavy vielmi chvalujucca z nahody dalejšaha raźvićcia Biełarusi, vielmi pieražyvajuć i budujuć roznyja schiemy ŭździejańnia na biełaruskuju ŭładu i prezidenta z metaj źviaržeńnia isnujučaha ładu. Dajšli da taho, što hatovyja padklučyć da hetaha pracesu Rasiju, ale nie viedajuć jak (ja rablu hetuju zajavu na padstavie žaleznych, jak kažuć u Kitai, faktaŭ), — skazaŭ Łukašenka.
— U suviazi z hetym chaču skazać, što prezidenta Biełarusi možna adchilić ad ułady. Heta realna. Padkazvaju šlach, jon adzin, inšych niama: tolki biełaruski narod heta zmoža zrabić na padstavie tych zakonaŭ, jakija siońnia isnujuć, i biełaruskaj Kanstytucyi. Jak bačycie, zusim prosty adkaz na ŭsie pytańni, jakija budaražać siońnia hałovy zachodnich dypłamataŭ, jakija niasuć słužbu ŭ Biełarusi, i tych, chto siońnia chvalujecca i zakłapočany hetym pytańniem na Zachadzie, a taksama našych źbiehłych».
