Ilustracyjnaje fota
23 listapada ŭ Pružanach abviaścili prysud sałdatu terminovaj słužby, jaki abvinavačvaŭsia ŭ pryčynieńni śmierci pa nieaściarožnaści, paviedamlaje Tut.by.
Zdareńnie adbyłosia ŭ krasaviku. Sałdaty pajechali na vučeńni ŭ les kala vioski Zapolle (Pružanski rajon). Małady čałaviek vyrašyŭ śsiekčy dreva, kab narychtavać droŭ dla abahravańnia. Choć kamandziry zabaranili heta rabić.
U prysutnaści kalehaŭ uziaŭsia za 20-mietrovaje dreva. Stvoł upaŭ na adnaho ź ich. Ad atrymanych paškodžańniaŭ paciarpieły pamior na miescy.
Abvinavačany vinu pryznaŭ całkam, raskajaŭsia i pakryŭ naniesienuju škodu.
Sud pryznaŭ jaho vinavatym u pryčynieńni śmierci pa nieaściarožnaści i pryznačyŭ 1 hod i 6 miesiacaŭ abmiežavańnia voli biez nakiravańnia ŭ vypraŭlenčuju ŭstanovu adkrytaha typu. Termin pakarańnia jamu skaracili na adzin hod pa amnistyi.
Prysud nie ŭstupiŭ u zakonnuju siłu i moža być abskardžany.
