Biełaruś škaduje ab vychadzie ZŠA z Damovy pa adkrytym niebie. Zajava raźmieščana na sajcie viedamstva.
MZS raźličvaje, što «amierykanskaje kiraŭnictva prajavić palityčnuju mudraść, i heta rašeńnie budzie pierahledžana ŭ bližejšy čas».
«Pierakananyja, što viartańnie ZŠA ŭ supolnaść «adkrytaha nieba» nie tolki ŭmacuje biaśpieku ŭsich dziaržaŭ — udzielnic damovy, ale i stanoŭča adabjecca na adnaŭleńni atmaśfiery davieru na jeŭraatłantyčnaj prastory», — skazana ŭ zajavie.
U zamiežnapalityčnym viedamstvie taksama adznačyli, što ZŠA byli adnym z klučavych udzielnikaŭ Damovy i ŭnosili istotny ŭkład u jaje paśpiachovaje vykanańnie.
«Vychad Vašynhtona z Damovy padryvaje jaho žyćciazdolnaść, pryviadzie da dalejšaha rostu niedavieru i vajenna-palityčnaj napružanaści. Surjoznaja škoda nanosicca architektury jeŭraatłantyčnaj biaśpieki i instrumientaru kantrolu nad uzbrajeńniami», — reziumavali ŭ MZS.