Z pačatku vosieni ŭ Nisimavickim sielsaviecie Čačerskaha rajona vaŭki zahryźli siem sabak. Ab niekalkich incydentach paviedamlajuć Mocnyja naviny sa spasyłkaj na «Čačerski vieśnik».
Tak, naprykład, u Babičach zahinuli adrazu try sabaki. U Hackim achviaraj staŭ dvarniak, što byŭ na łancuhu. U jašče adnym vypadku drapiežnik schapiŭ sabaku i adciahnuŭ ad nasielenaha punkta.
Vaŭki čaściej za ŭsio sustrakajucca ŭ addalenych i małanasielenych vioskach, adnak, pa słovach staršyni Nisimavickaha sielsavieta Žanny Malinavaj, drapiežnika možna sustreć navat u centry ahraharadka. Pry hetym kiraŭnik rajonnaj arhanizacyi Biełaruskaha tavarystva palaŭničych i rybałovaŭ Leanid Azierski padkreślivaje: «Stralać u vaŭkoŭ u miežach nasielenaha punkta palaŭničym nielha. Heta možna zrabić tolki na adlehłaści 200 mietraŭ ad krajniaha budynka».
Jon taksama kaža pra toje, što vaŭka možna zakałoć viłami, ale ŭ chviliny niebiaśpieki hety varyjant moža nie spracavać. Tamu lepšaje rašeńnie — zadziejničać siły palaŭničych.
Pry hetym Leanid Azierski papiaredžvaje: stralać la miežaŭ zon adsialeńnia i adčužeńnia nielha. Havorka idzie ab vioskach Vysokaja Hryva, Budzišča, Usošnaje, Hackaje.
