Va ŭčorašnich śpisach pravaabaroncaŭ źjaviŭsia Ihar Aŭsianik. Heta Senior Director, Special Projects u EPAM Systems. Toje, što zatrymany — mienavita dyrektar EPAM, dev.by paćvierdziła jaho žonka.
— Heta jon. Zatrymany ŭčora, pry jakich abstavinach, pakul nie jasna. Adviezieny ŭ Pieršamajskaje RUUS. Nočču dastaŭleny na Akreścina. Śpisaŭ u sudzie pakul niama.
Žonka Ihara nie zmahła paćvierdzić, što toj byŭ zatrymany padčas rajonnaha maršu.
— Nie viedaju: jon akazaŭsia ŭ Pieršamajskim RUUS — heta nie naš rajon.
Ihar Aŭsianik pracuje ŭ EPAM amal 22 hady. Pačaŭ z pasady Software Testing Manager, doŭhi čas byŭ dyrektaram Biełaruskaha ofisa, potym kiravaŭ piersanałam u Vialikabrytanii, Hiermanii, Niderłandach, Šviejcaryi i Aŭstryi. Zaraz kiruje prajektami ŭ Indyi, Niderłandach, Mieksicy, Kitai, Vjetnamie, nakiravanymi na intehracyju novych padraździaleńniaŭ u kampaniju.
