Sud u Piensilvanii adchiliŭ pazoŭ jurystaŭ prezidenta ZŠA Donalda Trampa ab pierahladzie vynikaŭ prezidenckich vybaraŭ u štacie, piša meduza.io.
Advakaty Trampa nastojvali na pryznańni niesapraŭdnymi tysiač biuleteniaŭ, jakija pryjšli ŭ vybarčyja kamisii pa pošcie. Pazoŭ prezidenta adchileny biez prava paŭtornaj padačy.
Kamanda Trampa ŭžo zajaviła, što abskardzić rašeńnie i pry nieabchodnaści dojdzie da Viarchoŭnaha suda.
Čakajecca, što ŭ paniadziełak, 23 listapada, vyniki vybaraŭ u Piensilvanii buduć aficyjna zaćvierdžanyja.
Pensilvanija źjaŭlajecca adnym ź niekalkich štataŭ, dzie adryŭ Bajdena ad Trampa byŭ vielmi nievialikim.
Pa vynikach vybaraŭ Bajden atrymaŭ 306 hałasoŭ vybarščykaŭ, Tramp — 232.
Zabarona na pieralik hałasoŭ u Piensilvanii faktyčna nie pakidaje Trampu šancaŭ na vynikovuju pieramohu navat pry ŭmovie, što inšyja pazovy, jakija dahetul nie razhledžanyja, buduć zadavolenyja.
