Kiraŭnik chakiejnaj fiederacyi Danii Chienryk Bach Nilsen padzialiŭsia mierkavańniem ab praviadzieńni čempijanatu śvietu ŭ Biełarusi, piša «Trybuna».
«Ja sam na hetym tydni prysutničaŭ na pasiadžeńniach IICHF. I ja mahu dakładna skazać, što my nie pieranieśli Čempijanat śvietu ź Biełarusi ŭ Rasiju.
Na padstavie ekśpiertnaha zaklučeńnia my abmierkavali ŭsie mahčymyja varyjanty, jakija datyčacca čempijanatu śvietu pa chakiei ŭ Biełarusi. Ale ničoha nie vyrašana. My nie budziem vieści pieramovy ź inšymi krainami, pakul nie damovimsia ab pieranosie čempijanatu śvietu. Ale my jašče nie pryniali rašeńnie.
Dla mianie biaśpieka i zdaroŭje hulcoŭ i zaŭziataraŭ majuć najvyšejšy pryjarytet. Ale situacyja ŭ Biełarusi nie supakoiłasia.
I kali historyja z Baskavym apyniecca praŭdaj, to całkam vidavočna, što heta niesumiaščalna z praviadzieńniem čempijanatu śvietu pa chakiei ŭ Biełarusi. Heta budzie padobna na padlivańnie bienzinu ŭ ahoń. Ale pakul ja čuŭ ab hetaj historyi tolki sa ŚMI. Hetaha my jašče nie abmiarkoŭvali ŭ IICHF», — skazaŭ Nilsen.
Nahadajem, što turnir pavinien prajści ŭ Minsku i Ryzie ŭ pieryjad z 21 traŭnia pa 6 červienia. U arhanizacyi jość kala 4 miesiacaŭ da pačatku turniru, kab dakładna vyznačycca z krainami-ŭdzielnicami i ŭ vypadku čaho zrabić zamienu. Takim čynam, kančatkovaha rašeńnia varta čakać da kanca studzienia.
