Litva, Łatvija i Estonija ŭ piatnicu pašyryli sankcyi suprać aficyjnych asob biełaruskaha režymu, unieśli ŭ «čorny śpis» ministraŭ infarmacyi i sportu i supracoŭnikaŭ milicyi. Pra heta zajaviŭ ministr zamiežnych spraŭ Litvy Linas Linkiavičuc.
Pavodle jaho słoŭ, krainy Bałtyi skaardynavana dadali ŭ śpis 28 imionaŭ, kab padtrymać cisk na režym Alaksandra Łukašenki.
«U kaardynacyi z łatyšami i estoncami my vyrašyli pašyryć nacyjanalnyja sankcyi», — skazaŭ ministr.
Pa słovach Linkiavičusa, sankcyi suprać biełaruskich ministraŭ infarmacyi i sportu byli ŭviedzienyja ŭ adkaz na abmiežavańnie internetu i pieraśled spartoŭcaŭ, jakija krytykujuć režym.
U pryvatnaści, zabarona na ŭjezd nakładziena na ministra infarmacyi Ihara Łuckaha, ministra sportu i turyzmu Siarhieja Kavalčuka i jaho namieśnika, a taksama kiraŭnika ŭnutranych vojskaŭ Mikałaja Karpiankova, hałoŭnaha redaktara vydavieckaha doma «Biełaruś siehodnia» Dźmitryja Žuka, žurnalista STB Ryhora Azaronka, kiraŭnika prafsajuzaŭ Michaiła Ordu i inšych.
U «čorny śpis» krain Bałtyi ŭžo ŭklučana bolš za paŭtary sotni čałaviek, jakim zabaronieny ŭjezd u Litvu, Łatviju i Estoniju, nahadaŭ ministr.
Sankcyi ES uviedzienyja suprać 59 čałaviek.
