Kvietki i śviečki ŭ minskim dvary, adkul Ramana Bandarenku zabrała milicyja
«Čarhovaja achviara teroru, čarhovaja achviara nasilla», — tak charaktaryzavaŭ śmierć Ramana Bandarenki biskup Juryj Kasabucki na imšy pamiaci zabitaha 13 listapada.
Biskup zaklikaŭ «u kožnaj situacyi zastavacca čałaviekam, Čałaviekam ź vialikaj litary». «Zajzdraść, nianaviść, złoba, žadańnie pomsty», — biskup zaklikaŭ adkinuć hetyja pačućci.
«Kožny dzień my molimsia ab spynieńni taho nasilla, jakoje my bačym, ale, na žal, jano robicca bolšym», — adznačyŭ biskup.
Jon z zachapleńniem adznačyŭ naradžeńnie novaj salidarnaści ŭ biełarusach, «kali čałaviek adčyniaje dźviery, i zabiahaje 20—30 čałaviek, i dajecca im prytułak, choć hety čałaviek i asudžaje siabie na niebiaśpieku». Jon paraŭnaŭ ciapierašnija ŭčynki biełarusaŭ z tym, «jak chavali ludziej ad karnikaŭ u Druhuju suśvietnuju vajnu». «Siońnia naša hramadstva napoŭnienaje takim ža hieraizmam», — skazaŭ biskup. «Treba malicca, kab my heta zachavali, hetuju luboŭ [paśla hetaha hoda]», — zaklikaŭ biskup.
«Nam chočuć naviazać nianaviść, złobu, raskoł, ale, naadvarot, heta abjadnoŭvaje ludziej roznych kanfiesij», — skazaŭ biskup.
«Jany stali achviaraj za ščaślivuju budučyniu dla ŭsich nas», — skazaŭ biskup Kasabucki. «U hetaj salidarnaści my možam prajści praź luboje vyprabavańnie ŭ žyćci», — miarkuje biskup.
Voś videazapis kazani:
