Učora na pres-kanfierencyi z zamiežnymi žurnalistami Łukašenka raskazaŭ pra sustreču z palitviaźniami ŭ SIZA KDB 10 kastryčnika, pieradaje BiełTA.
Pa-pieršaje, Łukašenka zastaŭsia niezadavoleny pačutymi ad udzielnikaŭ sustrečy prapanovami pa nieabchodnych źmienach u krainie, jany jamu padalisia vielmi suhučnymi z tym, pra jakija ŭ svoj čas havaryli rasijskija dziejačy Jahor Hajdar i Anatol Čubajs.
«Voś ja siadžu i dumaju: dziakuj bohu, što vy nie pryjšli da ŭłady ŭ Biełarusi. Nie tamu, što vy niesiacie biazhłuździcu. A ŭsia sprava ŭ tym, što biełaruski narod vas by vypravadziŭ z ułady na praciahu adnaho hoda. Jak vy, kažu, dalokija ad hetaha naroda», — pierakanany Łukašenka.
Taksama jon prakamientavaŭ kadry, jakija trapili ŭ videa z sustrečy, dzie niekatoryja jaje ŭdzielniki śmiajucca. Pa słovach Łukašenki, heta była reakcyja na taki ich dyjałoh ź Siarhiejem Cichanoŭskim.
Maŭlaŭ, Cichanoŭski zapytaŭsia, kali jaho vypuściać, u adkaz pačuŭ: «A čaho ty da mianie źviartaješsia?» — «Dyk vy ž prezident!» — «Nie, Siarhiej, tvoj prezident u Litvie siadzić».
