Karystalniki daŭžej, čym zvyčajna, zahružajuć miedyjafajły.
Z takimi ž prablemami telehram pracavaŭ i ŭčora paśla 21:00. Tak, na hrafiku nižej možna ŭbačyć, jak prykładna ź dziaviataj viečara i da dvanaccataj 12 listapada i apoŭnia 13-ha vyraśli zatrymki (čas na hrafiku — UTC, heta značyć, roźnica ŭ try hadziny), zaŭvažaje Tut.by
Kali koratka, to na malunku pakazany hrafik pinhaŭ, jakija pavialičvajucca pry zahruzcy kanała, u tym liku i pry źniešnich uździejańniach.
Nahadajem, što padobnaja situacyja była ŭ Minsku ŭ niadzielu 1 listapada. Tady zamiery ad karystalnikaŭ byfly na RIPE Atlas pakazali, što dostup da dziasiatkaŭ IP-adrasoŭ Telegram (a mienavita, 149.154.166.0/24 i 149.154.167.0 /24) adbyvaŭsia z zatrymkaj u 350-450 ms. Pry hetym niekatoryja inšyja adrasy z toj ža padsietki /24 pinhavalisia z narmalnaj chutkaściu kala 60-70 ms. Ale karystalniki inšych pravajdaraŭ RB nie nazirali pavyšanych zatrymak z dostupam da ŭkazanych resursaŭ.
Tady ŭ «Biełtelekamie» adkazali, što ź ich boku prablem nie było.
