Ułady Maskoŭskaj vobłaści pryniali pastanovu znoŭ zabłakavać sacyjalnyja karty pažyłych žycharoŭ rehijonu i tych, u kaho jość chraničnyja zachvorvańni, piša meduza sa spasyłkaj na «Interfaks».
Jak abviaściŭ hubiernatar Padmaskoŭja Andrej Varabjoŭ, sacyjalnyja karty buduć zabłakavanyja ź sierady, 11 listapada.
Takoje rašeńnie, rastłumačyŭ kiraŭnik rehijona, pryniata ŭ suviazi z tym, što zachvorvańnie na COVID-19 u hetych katehoryj žycharoŭ praciakaje asabliva ciažka.
Maskoŭskaja vobłaść zajmaje treciaje miesca ŭ Rasii pa sutačnym pryroście novych vypadkaŭ COVID-19. Tak, za minułyja sutki ŭ Padmaskoŭi było vyjaŭlena 660 novych vypadkaŭ karanavirusnaj infiekcyi, usiaho pa Rasii 21 798 novych vypadkaŭ.
Błakavańnie sacyjalnych kart, jakija, u liku inšaha, dajuć piensijanieram dostup da biaspłatnaha abo lhotnaha prajezdu ŭ hramadskim transparcie, dziejničała ŭ Maskoŭskaj vobłaści ź siaredziny sakavika da siaredziny červienia.