U Viciebsku ŭ balnicy chutkaj miedycynskaj dapamohi nočču 27 kastryčnika pamior student 4 kursa mieduniviersiteta. U chłopca była šyrokaja zabrušynnaja hiematoma, ale źbićcio jon admaŭlaŭ, paviedamiła Tut.by krynica ŭ BCHMD.
Studenta zavuć Arciom A., jon vučyŭsia na 4 kursie farmaceŭtyčnaha fakulteta.
— U maładoha čałavieka była šyrokaja zabrušynnaja hiematoma. Takaja traŭma moža adbycca paśla razryvu sasuda. Jamu zrabili apieracyju, krynicu kryvacioku na joj nie ŭstalavali, — raspavioŭ supracoŭnik BCHMD.
Śmierć maładoha čałavieka ŭ miascovych telehram-kanałach źviazvajuć ź mirnaj akcyjaj pratestu, jakaja prajšła kala hałoŭnaha Viciebskaha mieduniviersiteta 26 kastryčnika.
Tady kala 40 studentaŭ śpiavali la fantana «Try čarapachi» i «Pieramienaŭ». Supracoŭniki milicyi ŭ cyvilnym zdymali na kamieru, a potym zatrymali 4 čałaviek — dvuch chłopcaŭ i dźviuch dziaŭčat.
Studenty paviedamili Tut.by, što Arcioma A. nie było siarod čatyroch zatrymanych udzielnikaŭ pratesnaj akcyi.
— Małady čałaviek sam učora vyklikaŭ sabie chutkuju. Kazaŭ, što žyvot u jaho pačaŭ baleć jašče ŭ niadzielu. Jon admaŭlaŭ pry pastupleńni źbićcio i traŭmy, — kaža krynica ŭ BCHMD.
