Premjer-ministr Armienii Nikoł Pašynian i prezident Azierbajdžana Ilcham Alijeŭ zajavili pra hatoŭnaść pryjechać u Maskvu dla pieramoŭ pa ŭrehulavańni situacyi ŭ Nahornym Karabachu. Pra heta Pašynian i Alijeŭ skazali ŭ intervju rasijskamu ahienctvu TASS.
«Nahorna-karabachski kanflikt pavinien vyrašacca vyklučna mirnym šlacham, heta naša pazicyja. Na žal, Azierbajdžan nie zhodny z hetym punktam hledžańnia. I ja hatovy prykłaści ŭsie nieabchodnyja namahańni, kab dasiahnuć takoha vyniku, u tym liku i pajechać, sustrecca, pahavaryć», — skazaŭ premjer Armienii, adkazvajučy na pytańnie, ci hatovy jon pryjechać u Maskvu.
U svaju čarhu, Alijeŭ zajaviŭ, što azierbajdžanski bok hatovy «sustrecca i ŭ Maskvie, i ŭ lubym inšym miescy, dla taho kab pakłaści kaniec supraćstajańniu i znajści šlachi ŭrehulavańnia». Prezident zapeŭniŭ, što ŭ Baku «hatovyja dla lubych kantaktaŭ».
