gob.pe
Archieołahi vyjavili hihanckuju vyjavu kata padčas raskopak na terytoryi płato Naska ŭ paŭdniovaj častcy Pieru. U daŭžyniu hieohlif dasiahaje 37 mietraŭ, jaho ŭzrost — bolš za 2 tysiačy hadoŭ, piša VVS.
Miarkujučy pa malunku, kot «lažyć» na schile hary na levym baku.
Malunak byŭ znojdzieny padčas restaŭracyi naziralnaj placoŭki i znachodziŭsia pad pahrozaj źniknieńnia z-za naturalnaj erozii, paviedamili ŭ Ministerstvie kultury Pieru.
Pa stylistyčnych asablivaściach malunak adnosicca da pieryjadu poźniaha Parakasa, kali vyjavy kacinych byli vielmi papularnyja ŭ miascovaj kultury.
Jon staŭ najstaražytniejšym z malunkaŭ płato Naska, bolšaść ź jakich datujucca 100-200 hh. da n. e.
Hieohlify Naski ŭklučanyja ŭ śpis Suśvietnaj spadčyny JUNIESKA.
Na płato, jakoje raściahnułasia na niekalki dziasiatkaŭ kiłamietraŭ, možna ŭbačyć hihanckija vyjavy ludziej, žyvioł, raślin i roznych hieamietryčnych fihur.
