Rabočyja Lufthansa Technik zapatrabavali ad kiraŭnictva pradpryjemstva admovicca ad absłuhoŭvańnia samalota Łukašenki. Jany nahadali pra anałahičnuju admovu Čaŭšesku 31 hod nazad.
13 kastryčnika ŭ aeraporcie Fulśbiutel pryziamliŭsia Boinh 737 z rehistracyjnym numaram EW-001PA.
Prafsajuz pradpryjemstva ŭ adkaz raspaŭsiudziŭ nastupnuju zajavu:
«Heta samalot taho samaha Łukašenki, jaki addaŭ zahad stralać u demanstrantaŭ u Biełarusi. My, prafsajuznyja aktyvisty kampanii Lufthansa Technik, nie zabyvajem našu daŭniuju tradycyju mižnarodnaj salidarnaści i staim popleč ź biełaruskimi pracoŭnymi», — havorycca va ŭlotcy prafsajuza kampanii LufthansaTechnik.
U joj utrymlivajecca šerah patrabavańniaŭ da biełaruskaha ŭrada: «My patrabujem adstaŭki Łukašenki i sapraŭdnych demakratyčnych vybaraŭ! My patrabujem vyzvaleńnia ŭsich palityčnych źniavolenych i nieadkładnaha adnaŭleńnia na pracy tych kaleh, jakija stracili pracu! My patrabujem, kab usie supracoŭniki mahli svabodna abjadnoŭvacca ŭ niezaležnyja prafsajuzy!»
Prafsajuz nahadvaje, što 31 hod tamu ŭ kampanii była padobnaja situacyja. Tady rabočyja kampanii admovilisia absłuhoŭvać samalot kiraŭnika Rumynii Čaŭšesku niezadoŭha da jaho padzieńnia.
