Abviestka ŭ Hrodnie
Ranicaj 1 kastryčnika na dźviarach sudoŭ u Hrodnie i Homieli źjavilisia abjavy pra zabaronu zachodzić u budynki tym, chto nie ŭdzielničaje ŭ pracesach, piša Radyjo Svaboda.
Zabaronu abhruntavali prafiłaktykaj i minimizacyjaj ryzyki pašyreńnia karanavirusnaj infiekcyi sa spasyłkaj na zahad №68 staršyni Viarchoŭnaha suda ad 28 vieraśnia.
Pres-sakratar Viarchoŭnaha suda Julija Laskova zajaviła ŭ kamientary Svabodzie, što takoj zabarony ŭ zahadzie niama.
«Nie viedaju, jakaja ŭ Hrodnie nakładka zdaryłasia. Heta nie tak. Abjava, jakaja była ŭ sudzie Hrodnie, užo źniataja apieratyŭna.
Sprava ŭ tym, što ŭ metach vykanańnia zachadaŭ pa prafiłaktycy i minimizacyi ryzyki pašyreńnia infiekcyi COVID-19 u asieńnie-zimovy pieryjad 2020 hoda ŭ sudach ahulnaj jurysdykcyi zaćvierdžany płan pa prafiłaktycy, rekamiendavany Minzdaroŭja.
Adnym z punktaŭ hetaha płana praduhledžana, što rabotniki, udzielniki pracesu dy inšyja naviedniki dapuskajucca ŭ budynak tolki biez prykmiet reśpiratornych zachvorvańniaŭ i ŭ srodkach indyvidualnaj zaściarohi.
Razmova pra zabaronu naviedvańnia sudoŭ hramadzianami nie išła i nie idzie. U zahadzie № 68 zapisana, što nie dapuskajucca chvoryja, i pažadana być u maskach i palčatkach. Zabarony naviedvać sudy niama», — zapeŭniła Julija Laskova.
U Homieli na momant publikacyi materyjału abjava pra zabaronu dostupu «pabočnych asob» u sud zastavałasia na svaim miescy.
Pryncyp adkrytaści sudovaha razboru spraŭ zamacavany 114-m artykułam Kanstytucyi.
Abviestka ŭ Homieli
