Takuju pieraściarohu Maryna Zołatava vykazała siońnia na pres-kanfierencyi kiraŭnikoŭ viadučych niedziaržaŭnych ŚMI. Pieršapačatkova pres-kanfierencyja mierkavałasia jak analiz aśviatleńnia prezidenckaj kampanii, ale ŭ asnoŭnym tyčyłasia cisku na niedziaržaŭnyja ŚMI.
Maryna Zołatava prakamientavała rašeńnie Mininfarmacyi ab pazbaŭleńni Tut.by statusu ŚMI.
«Heta łahičny praciah taktyki Mininfarma, začystka infarmacyjnaha pola. Što da Tut.by, prymianili pakul nie błakavańnie, nie abmiežavańnie dostupu da resursaŭ, a zadača była — abmiežavać dostup žurnalistaŭ da mierapryjemstvaŭ (amal toje ž samaje, što pazbaŭleńnie akredytacyi zamiežnych žurnalistaŭ)», — skazała jana
Maryna Zołatava nie vyklučyła, što nastupnym krokam budzie błakavańnie Tut.by/
«My nie budziem ryzykavać i adpraŭlać «u pole» žurnalistaŭ biez statusu žurnalista. Choć my viedajem, što heta nie dapamahaje. 1 vieraśnia byli zatrymanyja Nadzia Kalinina i Loša Sudnikaŭ. Nad imi praviali całkam cyničny sud, ich pakarali aryštam na troje sutak. I my radavalisia, kali jany vyjšli na volu, choć heta było absurdna i źnievažalna.
