Mižnarodnaja fiederacyja chakieja (IICHF) praviała pasiadžeńnie ŭ Ciurychu. Adnym z pytańniaŭ, vyniesienych na abmierkavańnie, stała sumiesnaje praviadzieńnie Minskam i Ryhaj čempijanatu śvietu 2021 hoda.
Raniej urad Łatvii nakiravaŭ u IICHF list, u jakim ukazaŭ, što kraina nie žadaje prymać forum sumiesna ź Minskam na fonie palityčnaj situacyi ŭ Biełarusi.
«IICHF hłyboka zaniepakojenaja niadaŭnimi padziejami, što razhortvajucca ŭ Minsku, ale arhanizacyja źjaŭlajecca spartyŭnaj fiederacyjaj, a nie palityčnaj adzinkaj, i nie moža pieranieści turnir pa palityčnych pryčynach. Adnak IICHF niasie adkaznaść za toje, kab kožny z arhanizataraŭ turniru moh harantavać zdaroŭje i biaśpieku hulcoŭ, aficyjnych asob i hledačoŭ. Heta vyklučny siezon, siońnia nam užo pryjšłosia admianić niekalki turniraŭ z-za COVID-19, — skazaŭ kiraŭnik IICHF Rene Fazieł. — Jość šmat faktaraŭ, jakija mohuć paŭpłyvać na mahčymaść praviadzieńnia čempijanatu śvietu, i nam treba čas, kab ažyćciavić kompleksny padychod da vyvučeńnia taho, jak hety turnir moža być praviedzieny biaśpiečna».
IICHF pryniała rašeńnie ab farmiravańni ekśpiertnaj hrupy, jakaja zojmiecca ŭsiebakovym manitorynham situacyi vakoł turniru. Hrupie budzie daručana skłaści padrabiaznuju spravazdaču ab situacyi vakoł čempijanatu śvietu 2021 hoda i pradstavić jaho Savietu IICHF na nastupnym pasiadžeńni ŭ listapadzie.
