Žycharka Minska Hanna Hubanava vyviesiła na bałkonie kampazicyju sa svaich rečaŭ u vyhladzie bieł-čyrvona-biełaha ściaha. Sarafan, jaki byŭ zamiest čyrvonaj častki, siońnia nočču vykrali nieviadomyja, piša reform.by.
Hanna žyvie ŭ domie sa špilem kala płoščy Pieramohi. Dziaŭčyna vyrašyła skłaści ściah z adzieńnia paśla mnostva paviedamleńniaŭ pra toje, što sapraŭdnyja bieł-čyrvona-biełyja ściahi, vyviešanyja na damach, bieź viedama ŭładalnikaŭ zdymajuć rabotniki kamunalnych słužbaŭ i nieviadomyja ŭ cyvilnym.
Adnak siońnia ranicaj Hanna ŭbačyła, što jaje čyrvonaha sarafana na bałkonie niama. Nočču niechta skraŭ jaho, zakinuŭšy źvierchu — mahčyma, z dachu doma — losku z hruzikam i kručkom. Kručok adarvaŭsia i zastaŭsia na bałkonie dziaŭčyny, ale nieviadomyja ŭsio roŭna zmahli dastać i zabrać sarafan.
Zamiest jaho Hanna paviesiła čyrvony ručnik.