Rektar Hrodzienskaha dziaržaŭnaha ŭniviersiteta imia Janki Kupały Iryna Kiturka zajaviła ab padtrymcy «kupałaŭcaŭ», jakija paciarpieli pry zatrymańni siłavikami, a taksama paabiacała nie zvalniać vykładčykaŭ i nie adličvać studentaŭ za palityčnyja pohlady. Pra heta jana paviedamiła 24 žniŭnia na sustrečy ź siabrami inicyjatyŭnaj hrupy, jakija vystavili palityčnyja patrabavańni, paviedamili jaje ŭdzielniki Hrodna.life.
Siabry inicyjatyŭnaj hrupy prapanoŭvali kiraŭnictvu zaśviedčyć abiacańni ŭ piśmovaj formie, ale im admovili.
Inicyjatyŭnaja hrupa pieradała rektaru piśmovaje patrabavańnie za podpisam bolš za 2000 studentaŭ i supracoŭnikaŭ univiersiteta. Iryna Kiturka abiacała razhledzieć dakumienty i pradstavić piśmovy adkaz u najbližejšy čas.
«Iryna Kiturka prytrymlivałasia pazicyi nieŭmiašańnia ŭniviersiteta ŭ palityku i admoviłasia vykazać svajo adnaznačnaje staŭleńnie da stanovišča ŭ krainie. Vyrazna było skazana tolki pra toje, što rektar asabista suprać hvałtu. Jana sychodziła ad pramych pytańniaŭ, šmatkroć nahadvajučy ab tym, jakija ŭmovy stvorany va ŭniviersitecie dla vučoby studentaŭ i pracy vykładčykaŭ i inšych supracoŭnikaŭ», — paviedamili Hrodna.life prysutnyja na sustrečy.
Žurnalistaŭ na sustreču nie prapuścili.