U Horadni na płoščy Lenina da 15 hadzin sabralisia kala 10 tysiač čałaviek ź bieł-čyrvona-biełymi ściahami, balonikami, plakatami «Łukašenku ŭ adstaŭku».
Ludzi skandujuć «Łukašenka, sychodź!» Pradstaŭnik pryvatnaj kampanii «Terazit» zaklikaŭ haradziencaŭ da italjanskaha strajku (kali ludzi pracujuć vielmi marudna), strajkaŭ, a taksama nasić biełyja branzalety.
Haradziency zanieśli svaje patrabavańni ŭ harvykankam. Heta zvarot abjadnanaha štaba Śviatłany Cichanoŭskaj, Viktara Babaryki i Valera Capkały. Pad im pačali padpisvacca kalektyvy horadzienskich pradpryjemstvaŭ, hramadzkija arhanizacyi, demakratyčnyja siły.
Patrabavańni začytali sa sceny na mitynhu na płoščy Lenina ŭ Horadni.
U zvarocie zaklik da «nieadkładnaj adstaŭki» Alaksandra Łukašenki, kiraŭnikoŭ MUS i AMAP, adstaŭki i aryštu staršyni CVK, vyzvaleńnia palitviaźniaŭ. U zvarocie taksama zaklik stavaryć Radu narodnaha davieru Horadni z udziełam uładaŭ, harantavać svabodu schodaŭ.