Prezident Litvy Hitanas Naŭsieda voźmie ŭdzieł u pryznačanaj na 23 žniŭnia — va ŭhodki znakamitaha Bałtyjskaha łancuha svabody ŭ 1989 hodzie — masavaj akcyi ŭ padtrymku pratestoŭcaŭ u Biełarusi.
Pra heta ŭ subotu ŭ efiry nacyjanalnaha radyjo LRT paviedamiŭ adzin ź jaje inicyjataraŭ žurnalist Andrus Tapinas.
«Nakolki mnie viadoma, prezident Naŭsieda, eks-prezident Dala Hrybaŭskajcie płanujuć pryniać udzieł u našym mierapryjemstvie», — kaža jon.
Na śpiecyjalnaj płatformie ŭ internecie za sutki zarehistravałasia kala 12 tys. čałaviek. Pavodle acenki arhanizataraŭ, dla taho, kab zrabić taki łancuh, nieabchodny ŭdzieł bolš za 20 tys. čałaviek.
Płanujecca, što «žyvy łancuh» pačniecca na Kafiedralnym placy ŭ centry Vilni, adkul udzielniki pašychtujucca da pasolstva Biełarusi, a zatym pa aŭtamahistrali Vilnia — Minsk raściahnucca da kantrolna-prapusknoha punkta na litoŭska-biełaruskaj miažy ŭ Miedzininkaj. Daŭžynia składzie kala 35 km.
