Dziaržaŭny sakratar Savieta biaśpieki Andrej Raŭkoŭ raspavioŭ žurnalistam ab dalejšych mierach paśla zatrymańnia pad Minskam rasijskich bajevikoŭ, paviedamlaje BiełTA.
Jon acharaktaryzavaŭ situacyju jak «vielmi niepryjemny fakt», jaki nie paćvierdžany Rasijskaj Fiederacyjaj. «Tamu što kali b ažyćciaŭlałasia pierakidka kudyści pryvatnaj vajennaj kampanii, tym bolš praz terytoryju Biełarusi, napeŭna, pa linii niejkich admysłovych słužbaŭ byli b peŭnyja tłumačeńni. Tamu što heta vielmi surjoznaje pytańnie. Ale atrymałasia tak, što ni pa linii FSB, ni pa linii HRU, ni pa jakoj inšaj struktury takoj infarmacyi nie atrymlivali», — skazaŭ Andrej Raŭkoŭ.
Łukašenka na naradzie pastaviŭ šerah zadač dla elemientaŭ sistemy zabieśpiačeńnia nacyjanalnaj biaśpieki. Zadačy ŭ tym liku datyčacca raboty Ministerstva zamiežnych spraŭ pa adpraŭcy zapytaŭ i zaprašeńnia pasłoŭ i Rasijskaj Fiederacyi, i Ukrainy dla tych ci inšych tłumačeńniaŭ i abmierkavańnia adpaviednych pytańniaŭ. «Užo ciapier, pa najaŭnaj infarmacyi pa vynikach apytańniaŭ hetych ludziej, kala 14 čałaviek — heta tyja, jakija prachodzili pa prahramie ŭliku ludziej, byli zafiksavanyja na Danbasie. Tamu zaprašajecca i pasoł Ukrainy pa hetym pytańni», — kanstatavaŭ dziaržsakratar Savieta biaśpieki.
