U ludziej navat nie prymali chadajnictvy ab paručalnictvie, kab byłoha pretendenta ŭ kandydaty ŭ prezydenty Viktara Babaryku adpuścili ź SIZA, piša «Radyjo Svaboda».
«Heta dobraachvotnaja čarha ŭ aŭtazak», — kaža adzin z takich zatrymanych Kastuś.
Kastuś i Julija kala 14.00 adnymi ź pieršych pryjšli ŭ pryjomnuju Kamitetu dziaržaŭnaj biaśpieki, kab padać chadajnictvy ab źmienie miery strymańnia z uziaćcia pad vartu na asabistaje paručalnictva. Raniej uziać Babaryku na paruki pahadzilisia, siarod inšych, laŭreatka Nobeleŭskaj premii ŭ litaratury Śviatłana Aleksijevič i viadomy dyzajner Uładzimier Ceśler.
Julija zastałasia čakać na vulicy, a Kastusia zaprasili ŭ budynak KDB.
«Nas zapuścili, spytali navošta i skazali «Kali chadajnictva, to idzicie siudy». Usich pasadzili ŭ vialikim pakoi za draŭlany stoł. U pakoi ŭžo byli dva mažnyja pravaachoŭniki ŭ zialonaj formie. Nichto nie pradstaŭlaŭsia».
Kastuś kaža, što za stałom siadzieli 8 čałaviek. Ni ŭ koha nie praviarali dakumenty, chadajnictva ni ŭ koha nia ŭziali.
«Paśla praź inšyja dźviery nas vyvieli va ŭnutrany dvor KDB, pasadzili ŭ aŭtobus, paśla ŭ aŭtazak. Chadajnictva ŭ nas nichto nia ŭziaŭ. Atrymałasia, jak dobraachvotnaja čarha ŭ aŭtazak».
Kastuś kaža, što ŭsie supracoŭniki byli «mehavietlivyja». U aŭtazaku mužčyn raźmiaścili ŭ «kletkach». Usiaho, pa zhadkach chłopca, było 5 mužčyn i 3 žančyny. Ich advieźli ŭ RUUS Maskoŭskaha rajonu.
«Ničoha nie skazali, za što zatrymali. Pačali zabirać rečy, navat matuzki. Ja padpisaŭ śpis zabranych rečaŭ. Paśla nas advieźli ŭ niejki «centr», tam uziali adbitki palcaŭ i sfatahrafavali», — praciahvaje chłopiec.
Paśla ich iznoŭ viarnuli ŭ Maskoŭskaje RUUS, dzie zatrymanamu prosta viarnuli rečy i skazali, što jon moža iści. Anijakich tłumačeńniaŭ u milicyi nie rabili.
«Troch inšych paviali «afarmlać». Tam byli dva pensijanery — mužčyna i žančyna. Chtości ź ich akademik i dva indyvidualnyja pradprymalniki», — kaža Kastuś.
Dla jaho ŭsio zatrymańnie ciahnułasia kala 5 hadzin. Amal uvieś hety čas Julija čakała jaho ŭ rajonie vulicy Kamsamolskaj kala budynka KDB. Kaža, što da jaje padychodziŭ supracoŭnik KDB pravieryć dakumenty, razmaŭlaŭ «vielmi vietliva».
«Praz hadzinu padyšoŭ čałaviek u cyvilnym i nia vielmi vietliva, z dolaj ahresii pačaŭ razmaŭlać, tykać. Ja skazała, što ja čakaju blizkaha čałavieka, jaki pajšoŭ u KDB. Jon mnie na heta skazaŭ: «Z čaho ty ŭziała, što jaho vypuściać?» U vyniku jon paprasiŭ mianie «łučšie provalivať na prośpiekt».
Uvieś hety čas Julija nia viedała, dzie Kastuś, pakul kala 19.00 jon joj nie pazvaniŭ.
Kastuś kaža, što chadajnictva ab asabistym paručalnictvie za Viktara Babaryku padrychtavaŭ, bo «treba padtrymlivać ludziej u takoj sytuacyi». Toje, što ludziej z chadajnictvam zatrymlivali, tłumačyć žadańniem «napałochać».
Što stała ź inšymi zatrymanymi, Kastuś nia viedaje.
Śpis zatrymanych žurnalistaŭ 28 lipienia (Pa infarmacyi BAŽ):
- Alena Tałkačova (TUT.BY) — vyzvalena
- Kaciaryna Andrejeva (Biełsat) — vyzvalena
- Anton Sialicki — vyzvaleny
- Halina Abakunčyk (Biełsat) — vyzvalena
- Ihar Illaš — vyzvaleny
- Natalla Fiadosienka (fotakarespandentka ahienctva TASS u Minsku) — vyzvalena
- Anastasija Kachanovič — u Centralnym RUUS, vyzvalena
- Maksim Harčanok — u Centralnym RUUS, vyzvaleny
- Taćciana Kapitonava — vyzvalena
- Zachar Ščarbakoŭ (BiełaPAN) — vyzvaleny
- Siarhiej Saciuk-Hraboŭski (BiełaPAN) — vyzvaleny
- Jaŭhienija Suhak (hałoŭredka The Village Biełaruś) — pierastała vychodzić na suviaź paśla taho, jak pajšła padavać zajavu ŭ KDB
Śpis zatrymanych ludziej kala KDB 28 lipienia (pavodle pravaabaroncaŭ):
- Kastuś Kaścian (vyzvaleny)
- Alaksiej Čurkin (u Leninskim RUUS)
- Ivan Bachcin (u Leninskim RUUS)
- Iryna Bialaŭskaja (vyzvalena z Maskoŭskaha RUUS)
- Valeryj Pučkoŭ
- Natalla Žukava (u Leninskim RUUS)
- Uładzimir Skarmachovič (adpuścili z Frunzienskaha RUUS)
- Dźmitryj Kanapielka (adpuścili z Frunzienskaha RUUS)
- Juryj Korzun (u Kastryčnickim RUUS, składajuć pratakoł pavodle art. 23.34 KaAP za toje, što nibyta plaskaŭ u dałoni)
- Taćciana Kryvickaja (u Leninskim RUUS)
- Maksim Bułkin
- Alaksiej Karatkoŭ (u Leninskim RUUS)
- Jaŭhien Ziańkovič (u Leninskim RUUS)
- Jaŭhien Radziecki (u Leninskim RUUS)
- Dźmitryj Barejčuk (pakinuli na noč u Kastryčnickim RUUS. Vierahodna, zaŭtra sud)
- Juryj (proźvišča vyśviatlajecca)
- Alena Zaścienčyk
- Aleh Strelski
- Ivan Jaraševič (vyzvaleny z Kastryčnickaha RUUS)
- Arciom Karnes (u Leninskim RUUS, adpraŭlajuć na noč u IČU)
- Pavieł Pyko (u Leninskim RUUS)
- Volha Harbunova (u Leninskim RUUS)
- Alaksiej Majsiejenak (u Leninskim RUUS)
- Natalla Suboč (u Leninskim RUUS)
- Viktar Markaŭ (u Leninskim RUUS)
- Uładzimir Šapilevič (u Leninskim RUUS)
- Siarhiej Kałamienkin (u Leninskim RUUS)
- V. Byčkoŭ (u Leninskim RUUS)
- Mikałaj Kucavołaŭ (u Leninskim RUUS)
- Ivan Baucin (u Leninskim RUUS)
- Alaksandr Babroŭ (u Leninskim RUUS)
- Alaksiej Adamovič (u Leninskim RUUS)
- Ivan Bahdanovič (u Leninskim RUUS)
- Anton Barysaviec (u Leninskim RUUS)
- Jana Bieźludava (u Leninskim RUUS)
- Alaksiej Skrypnik (chutčej za ŭsio pakinuty na noč u IČU)
