Alaksandr Łukašenka zaćvierdziŭ pahadnieńnie ab pazycy pamiž Biełaruśsiu i Mižnarodnym bankam rekanstrukcyi i raźvićcia dla finansavańnia prajekta pa reahavańni na COVID-19.
Pa ŭmovach pahadnieńnia praduhledžvajecca pradastaŭleńnie pazyki MBRR u sumie 90 młn jeŭra Respublikanskamu navukova-praktyčnamu centru miedycynskich technałohij, infarmatyzacyi, kiravańnia i ekanomiki achovy zdaroŭja. Za košt atrymanych srodkaŭ zapłanavanaja zakupka abstalavańnia dla adździaleńniaŭ intensiŭnaj terapii i reanimacyi, asnaščeńnia dla słužby chutkaj miedycynskaj dapamohi, a taksama nabyćcio 20 kampjutarnych tamohrafaŭ, srodkaŭ indyvidualnaj achovy i lekaŭ, test-sistem dla dyjahnostyki infiekcyi.
U pryvatnaści, dla adździaleńniaŭ intensiŭnaj terapii i reanimacyi buduć zakuplenyja 460 aparataŭ ŠVŁ, 350 narkozna-dychalnych aparataŭ, 200 aparataŭ dla vysokapatokavaj CPAP-terapii, 800 manitoraŭ pacyjenta, 30 pierasovačnych renthien-aparataŭ, 22 aparaty dla zamiaščalnaj nyračnaj terapii.
Dla słužby chutkaj miedycynskaj dapamohi płanujecca nabyć pa 50 reanimabilaŭ, transpartnych aparataŭ ŠVŁ, modulnych defibrylataraŭ-manitoraŭ, a taksama transparcirovačnych boksaŭ.
