Ščučynski rajonny vykanaŭčy kamitet Hrodzienskaj vobłaści ŭchvaliŭ rašeńnie № 637 «Ab stvareńni i ŭstanoŭcy pomnika Šarlu de Holu», piša Radyjo Svaboda.
Na sajcie vykankama ŭdakładniajecca, što rašeńnie padrychtavanaje na padstavie pałažeńnia Saŭmina ab paradku stvareńnia tvoraŭ manumientalna-dekaratyŭnaha mastactva dziela raźvićcia Ščučyna jak adnaho z turystyčnych centraŭ krainy, pryciahnieńnia turystaŭ, papularyzacyi historyka-kulturnaj spadčyny.
Pomnik źbirajucca pastavić u ramkach prajektu ŭšanavańnia pamiaci francuzskaha palityka Šarla de Hola (1890—1970) da 130-hodździa z dnia jaho naradžeńnia.
29 lipienia zapłanavanaja sumiesnaja pres-kanfierencyja pasła Dydje Kanesa i namieśnicy staršyni Ščučynskaha rajvykankama Aleny Pasiuty, na jakoj buduć ahučanyja ŭmovy konkursu na prajekt pomniku.
Mienavita ŭ Ščučynie padčas Pieršaj suśvietnaj vajny ad lipienia pa vierasień 1916 hoda ŭ niamieckim łahiery dla vajennapałonnych razam ź inšymi francuzskimi aficerami znachodziŭsia kapitan Šarl de Hol — budučy hienierał i prezident Francyi.
Šarl de Hol u hady Pieršaj suśvietnaj znachodziŭsia ŭ łahiery dla vajennapałonnych u Ščučynie
