Słužba ŭ armii pavinna stać abaviazkovym patrabavańniem dla žadajučych zaniać pasadu prezidenta, hetuju normu možna prapisać u novaj Kanstytucyi. Takuju prapanovu ahučyŭ Łukašenka padčas naviedvańnia 103-j Viciebskaj asobnaj hvardziejskaj pavietrana-desantnaj bryhady, pieradaje BiełTA.
Alaksandr Łukašenka adznačyŭ, što ciapier idzie praca nad novym zakonam ab dziaržaŭnaj słužbie. «My chočam dziaržaŭnych słužboŭcaŭ davieści da ŭzroŭniu vajskoŭcaŭ. A čym dziaržsłužba adroźnivajecca? Časam jana navat važniejšaja. Jany ž chočuć kamandavać armijaj, tamu dziaržsłužba pavinna być adpaviednaja», — padkreśliŭ Alaksandr Łukašenka.
Nie mienš surjoznyja patrabavańni, ličyć kiraŭnik dziaržavy, pavinny pradjaŭlacca i da pasady prezidenta. Jon prapanavaŭ, kab u novaj Kanstytucyi było prapisana jašče adno patrabavańnie da tych, chto źbirajecca zaniać najvyšejšuju dziaržaŭnuju pasadu: prezidentam moža być tolki hramadzianin Biełarusi, jaki adsłužyŭ u vojsku.
«Jaki jon hałoŭnakamandujučy, kali nie viedaje, što takoje armija. Budzie rot raziaviŭšy chadzić, ty jamu łokšyny na vušy naviesiš, skažaš SVD, a jon padumaje, što tank, — adznačyŭ Alaksandr Łukašenka. — Nie słužyŭ u vojsku, značyć, ciabie tam być nie pavinna».
