Armienija adkaža za kožnuju pravakacyju i ataku na Azierbajdžan. Pra adpłatu zajaviŭ kiraŭnik Minabarony Turcyi Chułusi Akar na sustrečy z azierbajdžanskaj delehacyjaj, paviedamlaje ahienctva Anadolu.
Akar nahadaŭ, što paśla «pravakacyi ŭzbrojenych sił Armienii» na miažy z Azierbajdžanam turecki lidar Redžep Taip Erdahan parazmaŭlaŭ pa telefonie z prezidentam Azierbajdžana Ilchamam Alijevym. Kiraŭnik tureckaha vajennaha viedamstva paabiacaŭ, što na fonie apošnich padziej buduć pryniatyja ŭsie nieabchodnyja miery. «My rašuča asudžajem podłuju ataku na Tavuzski rajon Azierbajdžana. Bol Azierbajdžana — naš bol. Hibiel azierbajdžanskich vajskoŭcaŭ nie zastaniecca biez adkazu» — pryhraziŭ Akar.
Turcyja nieadnarazova vykazvałasia ab padtrymcy Azierbajdžana na fonie kanfliktu z Armienijaj. U pryvatnaści, tureckaja armija zajaŭlała pra hatoŭnaść padtrymlivać azierbajdžanski bok u bajach z Armienijaj.
Kanflikt pamiž Baku i Jerevanam abvastryŭsia 13 lipienia: Minabarony Azierbajdžana paviedamiła, što na miažy z Armienijaj pačałasia pierastrełka paśla taho, jak armianskaja armija abstralała azierbajdžanskija pazicyi z artyleryjskich ustanovak. Minabarony Armienii śćviardžała, što azierbajdžancy sprabavali zachapić aporny punkt na miažy pry padtrymcy artyleryi, ale byli adkinutyja.
