Nacyjanalny bank ukazaŭ bankam na nieabchodnaść niaŭchilna vykonvać patrabavańni zakanadaŭstva pa kredytnych dahavorach. Adpaviedny list Nacbank adpraviŭ na adras bankaŭ u suviazi z vyjaŭlenymi padčas pravierak parušeńniami, paviedamlaje BiełTA.
U adpaviednaści z Bankaŭskim kodeksam toj, chto daje kredyt, nie maje prava ŭ adnabakovym paradku pavialičyć pamier pracentaŭ za karystańnie kredytam. Razam z tym u niekatorych kredytnych dahavorach zamacavana prava banka pavialičyć pamier pracentnaj staŭki. U Nacbanku źviarnuli ŭvahu: najaŭnaść u dahavorach padobnych umoŭ nie adpaviadaje patrabavańniam zakanadaŭstva.
Asobnyja banki nie vykonvajuć rekamiendacyi ab źnižeńni pavyšanaha pamieru pracentaŭ pa kredycie dla tych, chto nie viarnuŭ kredyt u termin, a taksama rekamiendacyi ab suraźmiernaści štrafaŭ. Tak, u kredytnych dahavorach niekatorych bankaŭ praduhledžana, što za niesvoječasovaje viartańnie pracentnaja staŭka pavialičvajecca ŭ 2-3 razy.
Rehulatar ličyć, što prymianieńnie takich pavyšanych adsotkaŭ možna rasceńvać jak dadatkovyja štrafnyja sankcyi za parušeńnie ŭmoŭ kredytnaha dahavora. Akramia hetaha kredytaatrymalniki abaviazanyja vypłacić pieni ŭ pamiery ad 0,01% da 3% za kožny dzień praterminoŭki albo štraf. Heta nie adpaviadaje rekamiendacyjam Nacbanka ab nieprymianieńni dvuch i bolš vidaŭ štrafnych sankcyj za adno parušeńnie.
Bankam nieabchodna pryniać miery pa niaŭchilnym vykanańni patrabavańniaŭ zakanadaŭstva pry zaklučeńni i vykanańni kredytnaha dahavora, zabiaśpiečyć suraźmiernaść štrafnych sankcyj z paniesienymi bankam vydatkami, a taksama źnižeńnie padvyšanych adsotkaŭ.
