Dostup da «destruktyŭnych resursaŭ» u vypadku pahrozy nacyjanalnaj biaśpiecy moža być zabłakavany. Pra heta padčas anłajn-kanfierencyi «Telegram-pahrozy: chto za imi staić i kamu vyhadnaja destabilizacyja ŭ hramadstvie» zajaviŭ pieršy namieśnik ministra ŭnutranych spraŭ Hienadź Kazakievič.
Pa słovach Kazakieviča, rasijski dośvied błakavańnia miesiendžara Telegram u Biełarusi naŭrad ci budzie vykarystoŭvacca.
— Z techničnaha punktu hledžańnia błakavać hety miesiendžar nielha, ź infarmacyjnaha — prosta hłupstva błakavać nie tolki Telegram-kanały, ale i niejkija resursy. Čamu? Tamu što internet nielha zabaranić, jak nielha zabaranić pavietra, — adznačyŭ Kazakievič.
Tym nie mienš u vypadku pahrozy nacyjanalnaj biaśpiecy i pahrozy raspaŭsiudžvańnia luboj «destruktyŭnaj infarmacyi» pravaachoŭnyja orhany mohuć efiektyŭna błakavać dostup da hetych resursaŭ.
