president.gov.by
Pra heta kiraŭnik krainy zajaviŭ padčas naviedvańnia Słaŭharadskaha rajona, paviedamlaje pres-słužba.
Alaksandr Łukašenka zaklikaŭ u pieršuju čarhu imknucca žyć i pracavać na svajoj ziamli.
«My nidzie nikomu nie patrebnyja. Zaraz kankurencyja šalonaja. Tamu hladzicie na miescy, dzie vy pryvykli, dzie možna niejki kavałačak ziamli (apracoŭvać), niejkuju fabryku, zavod pabudavać abo zajmacca indyvidualnym pradprymalnictvam», — adznačyŭ jon.
«Hladzicie na svaju ziamlu. Kali vy ŭmacujeciesia tut, to i vašy dzieci atrymajuć padmurak dla raźvićcia. Tamu budujcie svoj dom tut. Jak by ni składvałasia situacyja, kali my pracujem, da niečaha imkniomsia, Haspodź zaŭsiody nas padtrymaje»,— reziumavaŭ kiraŭnik dziaržavy.
Łukašenka čarhovy raz źviarnuŭ uvahu i na pytańnie, źviazanaje z pustymi, zakinutymi ŭčastkami ŭ vioskach. «Treba zadziejničać miascovyja zakinutyja prysiadzibnyja ŭčastki, asabliva ŭ niepierśpiektyŭnych vioskach (dy i ŭ ahraharadkach, u rajonnych centrach chapaje jašče takich kavałkaŭ ziamli), i addać ludziam pad dačy», - padkreśliŭ kiraŭnik dziaržavy.
