Ministerstva abarony Azierbajdžana zajaviła ab pierastrełcy na miažy z Armienijaj. Pra heta paviedamlajecca na sajcie viedamstva.
Pavodle azierbajdžanskaha boku, bai pačalisia paśla taho, jak padraździaleńni Uzbrojenych sił Armienii abstrelili pazicyi Azierbajdžana z artyleryjskich ustanovak.
Bai praciahvajucca. Udakładniajecca, što jość straty z abodvuch bakoŭ.
«RIA Novosti» sa spasyłkaj na Minabarony Armienii paviedamlaje, što azierbajdžanski bok pasprabavaŭ zachapić aporny punkt na miažy pry padtrymcy artyleryi, adnak byŭ adkinuty. Jerevan zajaŭlaje ab adsutnaści strat sa svajho boku.
***
Armienija i Azierbajdžan znachodziacca ŭ stanie vajny z 1992 hoda. Pryčynaj kanfliktu stała abviaščeńnie Nahorna-Karabachskaj Respubliki.
Pieryjadyčna bai adnaŭlajucca. Samym surjoznym abvastreńniem stała čatyrochdzionnaja vajna 2016 hoda, kali zahinuli sotni sałdat z abodvuch bakoŭ.
