«Łancuh salidarnaści» ź Biełaruśsiu, Bern, Švajcaryja, 10 lipienia
Uviečary 10 lipienia ŭ švajcarskim Bernie prajšła akcyja salidarnaści ź Biełaruśsiu, na jakuju vyjšli paŭsotni čałaviek, raskazali «Svabodzie» ŭ BSDP (Hramada). Akcyju zładziŭ aktyvist «Hramady» Alaksiej Milukoŭ, jaki byŭ źniavoleny ŭ Biełarusi na try hady za «maralnuju i fizyčnuju škodu supracoŭniku DAI».
Udzielniki akcyi ŭ Bernie zaklikali vyzvalić palityčnych źniavolenych u Biełarusi i pravieści sumlennyja vybary.
Na akcyi, śćviardžaje BSDP, prysutničaŭ viadomy švajcarski pravaabaronca, taksama zaniepakojeny tym, što adbyvajecca ŭ Biełarusi. Jon paabiacaŭ pryciahnuć uvahu švajcarskich parlamentaryjaŭ i inšych pravaabarončych arhanizacyjaŭ da hetaj prablemy.
Taksama na akcyi padpisali paštoŭki dla palitviaźniaŭ, «kab karnaja systema Biełarusi ŭbačyła, što ŭvieś śviet viedaje pra dyktaturu ŭ Biełarusi i što nivodzin biełarus nia kinie ŭ biadzie svoj narod».
Akcyja prajšła mirna. BSDP adznačaje, što ŭdzielnikaŭ nichto nie razhaniaŭ, «bo Švajcaryja — demakratyčnaja kraina, dzie kožny maje prava na svajo mierkavańnie i svabodna moža jaho vykazvać, nie aścierahajučysia nastupstvaŭ, čaho, na žal, nielha skazać siońnia pra Biełaruś».
