presiden.gov.by
Rasparadžeńnie Łukašenki «Ab dadatkovych mierach pa vyrašeńni aktualnych pytańniaŭ žyćciadziejnaści nasielnictva» budzie ŭvasoblena ŭ kankretnych spravach na karyść žycharoŭ Biełarusi. Pra heta žurnalistam zajaviŭ kiraŭnik Administracyi prezidenta Ihar Sierhiejenka, pieradaje BIEŁTA.
Administracyja prezidenta starajecca pastajanna być u kantakcie z nasielnictvam, havorycca ŭ paviedamleńni. Pravodzić vyjaznyja pryjomy ŭ rehijonach, pramyja telefonnyja linii, razhladaje zvaroty i zajavy hramadzian, źbiraje infarmacyju z rajvykankamaŭ, abłvykankamaŭ. «Uvieś hety vializny masiŭ infarmacyi praanalizavany. Dadatkova byŭ zadziejničany manitorynh sacyjałahičnych słužbaŭ i inšych instytutaŭ. I pa daručeńni Prezidenta było padrychtavana heta rasparadžeńnie. U im znajšli adlustravańnie praktyčna ŭsie napramki: miedycynskaje zabieśpiačeńnie, śfiera pasłuh, ŽKH, horadabudaŭnictva, budaŭnictva daroh, niemałavažnyja pytańni, źviazanyja z sacyjalnaj palitykaj, cenaŭtvareńnie, vypłata zarpłat», — adznačyŭ Ihar Sierhiejenka.
Jon rastłumačyŭ, što ŭsie prapisanyja ŭ dakumiencie napramki možna ŭmoŭna padzialić na dva błoki. Pieršy — zadačy, jakija źjaŭlajucca stratehičnymi dla miascovaj ułady i ŭrada, i druhi — pieršačarhovyja mierapryjemstvy, jakija buduć praviedzieny ŭ hetym i nastupnym hodzie, pa raźvićci kankretnych rehijonaŭ, realizacyi kankretnych prahram.
«Płanujecca pabudavać šerah abjektaŭ sacyjalnaha pryznačeńnia, u tym liku dziciačyja daškolnyja ŭstanovy, u niekalkich haradach — heta Dziaržynsk, Salihorsk, Zasłaŭje. Kali havaryć u cełym pa krainie, heta i pytańni raźvićcia Mahilova, Połackaha rajona, Pinska i mnohich inšych. Surjoznaja ŭvaha budzie ŭdzielena pytańniam žyllovaj palityki, vydzialeńnia srodkaŭ na budaŭnictva arendnaha žylla, žylla dla vajennasłužačych, a taksama dobraŭparadkavańnia vajennych haradkoŭ», — dadaŭ Ihar Sierhiejenka.
Niepasredna Administracyjaj prezidenta sumiesna z Kamitetam dziaržkantrolu budzie arhanizavany manitorynh i kantrol za vykanańniem rasparadžeńnia. Štokvartalnyja dakłady ab hetym buduć na stale ŭ kiraŭnika dziaržavy. «Heta rasparadžeńnie znojdzie adlustravańnie ŭ realnych, kankretnych mierapryjemstvach na karyść našych hramadzian», — skazaŭ na zakančeńnie Ihar Sierhiejenka.
