Štab Viktara Babaryki ŭ videazvarocie prakamientavaŭ masavaje niepryznańnie podpisaŭ, sabranych za patencyjnaha kandydata. U štabie ličać, što takim čynam ułada pakazała niepavahu da tych, chto pakidaŭ i źbiraŭ podpisy.
«Kali vy zachočacie daviedacca pra kaštoŭnaść vašaha mierkavańnia ŭ vačach ułady — adkryjcie naviny. U ich vy pračytajecie, što podpisy za kandydataŭ, jakija vy źbirali i stavili, dziasiatkami tysiač pryznali niesapraŭdnymi», — zajavili ŭ štabie.
«Za toj čas, što my dziejničajem u miežach zakona i čakajem 14 lipienia, ułady ŭ ahonii ździajśniajuć usio bolš fatalnych pamyłak, nie razumiejučy, što ani nas, ani našych namieraŭ mienš nie stanie. Sistema stała takoj słabaj, što jana bolš nie maje mahčymaści zachoŭvać tvar. Hety drandulet viertykali brazhoča i trasiecca, razvalvajučysia na chadu. Kradziež podpisaŭ i našych hałasoŭ kaža nie pra siłu sistemy, a pra jaje słabaść. Ciapierašniaje kiraŭnictva bolš nie moža zachoŭvać uładu choć by źniešnie lehitymnymi sposabami, tamu vykarystoŭvajucca maradziorstva i nieprychavanaje chamstva. Heta prykmieta nie siły sistemy, a jaje słabaści i strachu zastacca biez ułady. Bo hetym razam dziejańni biełarusaŭ i najaŭnaść adčuvalnych supiernikaŭ patroili hety strach. Kali vam strašna — padumajcie, jak strašna im», — skazała padčas videazvarotu člen štaba Maryja Kaleśnikava.
