Kiraŭnik inicyjatyŭnaj hrupy Łukašenki Michaił Orda zajaviŭ, što ich kamanda sabrała kala 2 młn podpisaŭ.
Fota Radyjo Svaboda.
Pavodle jaho słoŭ, u apošnija dni zboru podpisaŭ byli arhanizavanyja pikiety ŭ rehijonach, kab kožny žadajučy, da jakoha nie dajšli siabry inicyjatyŭnaj hrupy, moh pastavić svoj podpis za vyłučeńnie Alaksandra Łukašenki. Orda zapeŭnivaje, što kala 60% podpisaŭ sabrany pa miescy žycharstva ludziej, kala 40% — na pradpryjemstvach i pikietach.
«Usia naša praca pa zbory podpisaŭ išła spakojna, kanstruktyŭna, u ramkach dziejučaha zakanadaŭstva, — adznačyŭ Michaił Orda. — Ale ŭ toj ža čas my bačyli, što niekatoryja pretendenty z samaha pačatku byli nastrojenyja na toje, kab razhajdać, destabilizavać hramadstva. Vykarystoŭvali pikiety pa zbory podpisaŭ vyklučna dziela nahniatańnia abstanoŭki. Nie kažučy ŭžo pra toje, što ŭ internet-supolnaściach była razhornuta cełaja kampanija pa hanieńni, pahrozam tym, chto vystupaje za zachavańnie stabilnaha i spakojnaha žyćcia ŭ našaj krainie. My ličym, što za padobnaje ludzi, jakija stajać za hetymi dziejańniami i technałohijami, pavinny nieści realnuju adkaznaść, až da kryminalnaj. Takaja norma ŭ našym zakanadaŭstvie jość».
